sábado, 7 de setembro de 2013

Preparativos

Acabo de descubrir (ben, en realidade funo asimilando non sen dificuldade ao longo desta pasada semana, entre exames e avaliacións, anodinas caras de alumnos que repiten, bicos vigorosos de profesoras maduras, crónicas de vacacións alleas á beira dun café mentres as moscas nos sobrevoan na mesa de todos os anos) que para o comezo do curso, ai, xa só restan nove días escasos.
Pero ao decaemento co que onte me fun para a cama sucedeu, non sei por que prodixiosa transformación onírica, un acordar entusiasta, de xeito que a medio almorzo xa tiña comprendido que o período entre claustros da procelosa semana próxima en realidade é unha preciosa parcela en que edificar a tan demorada viaxe a Madrid onde agardan por min dúas exposicións maravillosas e aquel home serio e grandote que en Xullo coñecín en Mérida e con quen pasei en Agosto interminables e felices horas de conversa despois das aulas no Porto.
Antes da última torrada os billetes estaban comprados, reservado e pago o cuarto antes de que o café con leite arrefriase, e para cando entrei na ducha a mensaxe coa confirmación e as expectativas fora xa enviada ao meu amigo madrileño, que a respondeu un par de horas despois cun manual de supervivencia urbana; confeso que aínda sigo un pouco descolocado coas súas recomendacións sobre os carteiristas do metro e os chaperos en Sol.

4 comentarios:

peke dixo...

Páseo ben en Madrid e aproveite ben o tempo que queda antes de volver ao choio. (Como se fixesen falta as miñas recomendacións...) ;)

Raposo dixo...

Pois non está de máis tomar en serio esas dúas recomendacións: Máis vale prevenir...

antoine dixo...

No sé si puedo osar escribir un comentario en castellano en un blog gallego, pero... no lo sé (el gallego).
Bien, pues ya que empecé allá vamos:
Muy contento, Sr. Reincidente, que su estancia en Madrid haya sido agradable y que guarde Vd. buen recuerdo d'une certaine crêperie bretonne où quelqu'un m'a dit que vous et l'autre mec vous avez très bien mangé.
Ah quelle horreur! Sans me rendre compte j'ai continué en français! C'est pire encore! Bon, il est trop tard pour rectifier, alors, je continue... mais... je crois qu'il me faut déjà couper, ce n'est rien qu'un commentaire, pas un roman par des livraisons.... Bonne continuation!
Antoine

João Roque dixo...

Madrid me encanta...e cada vez mais.
Adoro esta cidade.