sábado, 9 de xullo de 2011

Portátil

A rei morto, rei posto: desde onte preside a mesa de traballo o novo portátil, e que dicir del que non sexa unha obviedade sobre o seu aspecto, rapidez e prestacións, empezando xa polo sistema operativo (efectivamente, como dixera o da tenda, moi versátil e intuitivo).
Devolto a miña irmá o xoguetiño que me prestara para saír do paso estas últimas semanas, agora só resta darlle pasaporte ao vello, que espera destino no sofá do estudio, taciturno coma un cadáver, e volver á normalidade da caza de películas, a organización das fotos e as actualizacións do blog; tamén para levar adiante dúas ou tres ideas que se me ocorreron.

5 comentarios:

Peke dixo...

Noraboa!

mariajesusparadela dixo...

Os xoguetes son para disfrutalos.

Ra dixo...

:)

X dixo...

Quedamos definitivamente sen as fotos? :(

E que hai das ideas esas que nos deixa caer sen sequera nos adiantar unha mighiña...

Saúdos.

zeltia dixo...

esas pequenas cousas ás que xa nos afixemos e das que tanto nos costaría agora prescindir...
noso benquerido portátil (coa súa conexión a internet, of course)
que o disfrute moito (e comparta)