xoves, 23 de xuño de 2011

Once anos

A señorita Kaplan está de aniversario:
Once son os que cumpre, como sempre  en pleno fragor do final de curso (chamou onte para contarme das súas notas, case inmellorables), nas vésperas do san Xoán (lembramos tamén cando hai dous anos fomos á verbena que nos plantaran ao pé da casa e comemos cadansúa sardiña e bailamos ao son da pachanga), e en pleno debate sobre as vacacións (organizar as axendas para que viaxe a Venecia comigo e a Londres con súa mai o mesmo mes non é tarefa doada),
Cómpre aproveitar o momento: a señorita Kaplan medra aparentemente máis rápido que nunca; segue a ser a nena de sempre, pero os cambios e as mudanzas comezaron e avisan sen dúbida posible de que a adolescencia se achega xa para instalarse.
Un ano máis, meu amor, feliz aniversario.

17 comentarios:

Chousa da Alcandra dixo...

Felicidades para a señorita Kaplan. Polo cumple e polos bós resultados académicos. Que ambas cousas continúen por moito tempo.

(Ademáis de ter en común pais blogueiros, as señoritas Kaplan e Chousa, sin ser coetáneas exactamente, andan ben cerquiña unha da outra. E tamén por aquí colleitáronse óptimas cualificacións).

mariajesusparadela dixo...

Feliz cumprenos, señorita Kaplan.
Medran ben rápido ¿non sí?
(repase ise meu amor do final)

mariajesusparadela dixo...

Quixen dicir cumpreanos.

Yolanda dixo...

Felicito á señorita Kaplan. É un ano maior que a miña (Helena). Noraboa polas cualificacións. Non sería menos co pai que ten.
Un bico

Anónimo dixo...

Que gusto ver como vai medrando, que lonxe quedan aquelas tardes de bocadillo de nocilla despois de voar nos columpios.
Parabéns aos dous.
X

Bolboreteira dixo...

Felicidades para a pequena Kaplan, a adolescencia está a volta da esquina,pero que non deixe de disfrutar da infancia para o que ven xa haberá tempo.
Bicos para a familia Kaplan!

mfc dixo...

Parabéns pelo aniversário e pelas boas notas do curso!

Xan dixo...

Felicidades para a señorita Kaplan. Que envexa de vacacions!. Que disfruten intensamente destos momentos tan fermosos.

Peke dixo...

Parabéns á súa filla, tanto polos anos coma polas notas. Coide ben dela na adolescencia, escóitea, fálelle, que sufra o menos posible. :)

zeltia dixo...

Once anos, que edade tan linda; agora xa poden discutir a gusto, e non porque sí, como ocorrirá máis tarde. O momento de consolidar tanto afecto, de ir configurando a súa relación do futuro.
Emocionomo.
Ela, nos momentos malos, nos que choque con vostede por moitas cousas, lembrará todo o amor que lle adicou, as cousas que fixeron xuntos... como ir a Venezia. Fantástico plan.

JorgeCimadeVila dixo...

Vaia, semella que a vida segue o seu curso... Requiem aeterna :D

X dixo...

E as fotos?

Sun Iou Miou dixo...

Con atraso, pero, en fin, os trece anos dúranlle o ano enteiro, parabéns á meniña e ao papá babado.

susana moo dixo...

Vaia, menudo veranito espérlle á nena. Que sí, con 11 ainda é unha neniña, pero efectivamente, a adolescencia xa repunta.

Concha López Fernández dixo...

Se estivese na miña escola, sería a miña alumna. Parabéns para a señorita Kaplan polo seu aniversario! Aínda que con retraso...

Sun Iou Miou dixo...

(E eu póndolle anos de máis á pequena. Estou gagá definitivamente.)

Anónimo dixo...

noraboa para a señorita Kaplan e para ti tamén... ¡que asiña medran!

biquiños,
Aldabra

p.d.: encántame a ilustración que lle deixache.