venres, 2 de marzo de 2007

Pesadelos

 Hai semanas que os informativos me son odiosos e, se despois de zapear polas televisións me decido por algun, frecuentemente acabo indo por algo que esquecin na cociña, ou mirando unha revista atrasada, ou directamente cambiando para algun programa que requira menos sacrifícios.
Cando non me abafan a aridez dun xuízo inintelixível ou a crónica da opa de nunca acabar, angústian-me os testimuños sangrentos de guerras indecentes, e dia a dia sinto noxo polos habituais insultos e espantadas dunha oposición montaraz e desvergoñada, que me aterroriza coa idea de que o país se rompe balcanicamente por momentos e até me fai temer que algunha desas fendas antiespañolas se estea a abrir baixo a miña própia cama.
Unha cousa parecia mellorar: cando Xoves lle foi concedida a prisión atenuada, pensei que aquela espécie de mómia malencarada que ás veces asomava en calzóns á pantalla deixaria de amargar-me as ceas.
Que equivocado estava: era só o final da primeira parte; agora veñen as manifestacións e comunicados dun e doutro lado, e mesmo nos informativos nos facilitan o menu que inxere ese antipático señor.
Se premen na foto, compartirán comigo o pesadelo. Mui agradecido.

6 comentarios:

Ra dixo...

Estoy con usted!

Mrs.Doyle dixo...

Canta razón!
O peor de todo é que xa estamos tan afeitos a ver barbaries que non nos afectan.

Arin dixo...

Excelente a imaxe; o post non pode ser máis atinado!

peke dixo...

Síntome ignominiosa e obscena porque me parece indignante que se soltase a ese asasino.

X dixo...

O primeiro parágrafo logradísimo :D
A imaxe inventouna ou atopouna?
A min paréceme indignante que unha vez cumprida a pena se volva encarcerar a alguén (sexa quen for) polos mesmos feitos por aberrantes que estes sexan. E escandalízame que sexa máis grave opinar en contra de determinados puntos da constitución do que violar ou asasinar.

Peke dixo...

Non sabía que xa fora xulgado polos mesmos delitos.